Pa llegar a la playa de Merón hai dos alternatives.

Una d´elles empecipia garrando la esviación dende la carretera comarcal AS-256 hasta´l llugar de Careñes, onde tenemos de dexar el vehículu y siguir a pie per un camín que baxa y que va dende la ilesia del pueblu en dirección a la sablera (unos 900 m). 

La otra alternativa parte de la esviación d´Argüeru dende la mesma carretera AS-256. Siguiendo los lletreros indicativos de la playa y per una carretera estrecha y asfaltada acaba llegándose a ella.

Desque tamos ellí, empecípiase´l percorríu camín del oeste pel pie del cantil a lo llargo d´unos 600 m, hasta llegar a un estratu d´arenisca de la Formación Llastres, cuasimente horizontal. Enriba la so superficie caltiénse´l rastru d´un dinosauriu cuadrúpedu formáu por 12 marques siguíes de manes y pies. Nesa mesma superficie puen vese amás delles icnites tridáctiles espardíes pertenecientes a dinosaurios bípedos.