Dende la carretera N-632, al altor de Colunga gárrase la comarcal AS-257 que lleva a Llastres. Degolada esta última localidá, y en percorriendo 1,5 km, llégase a Lluces, onde se garra una esviadura a la derecha per una carretera asfaltada que lleva al faru de Llastres.

Unos 650 m primero de llegar al pueblu, hai una variante a la esquierda que tien de siguise hasta llegar al lletreru indicativu del xacimientu. D’equí arrinca un camín que lleva al pie del cantil.

Cerca d’ellí, y un poco al leste, atópase un bloque sueltu d’arenisca con dos contramoldes de pisaes de dinosauriu, una tridáctila d’un terópodu y otra en forma de media lluna (mano de saurópodu).

Andando agora escontra l’oeste unos 300 m, llégase a unos estratos d’arenisca cardoso entornaos 24º, sobre los que s’atopen delles icnites tridáctiles y una buelga de saurópodu, esta postrera abondo esgastada pola erosión marina.