Museo Jurásico Asturias
Facebook
Twitter
Youtube

Otros espacios

exposicion

  AUDITORIU   ÁREA DE DESCANSU
  SALA DE TALLERES   SALA D´ACTIVIDAES ESPECIALES
  SALA D´ESPOSICIONES TEMPORALES    

 

- Sala d´esposiciones temporales*. Nel suétanu del MUJA atópase la sala d´esposiciones temporales, que con un tamañu de 300 metros cuadraos permite variaes posibilidaes de montaxe. Dende l´apertura del Muséu, la sala acoyó les esposiciones: "La Costa de los dinosaurios", "Atrapaos nel Xelu", "Colosos Xurásicos", "Dinorobots nel MUXA" o "Cuando la Tierra tembla: volcanes y terremotos", entre otres.

Auditoriu*. Na planta baxa asítiase l´Auditoriu del MUJA, onde tienen cabida toes aquelles actividaes complementaries a les esposiciones del Muséu, como pueden ser presentaciones de llibros, conferencies, seminarios y ruedes de prensa, ente más otres. Ye una sala con disposición en forma d´anfiteatru y 95 places de capacidá y dotada con medios técnicos (cañón de lluz, pantalla, DVD y ordenador portátil), megafonía y rack pa medios de comunicación.

- Sala d´actividaes especiales*. El MUJA dispón tamién d´una pequena sala na que se celebren xuntes o cursos de formación y que puede ser arrendada pa los citaos fines. Con capacidá máxima pa 20 persones, ta dotada de pizarra, retroproyector, proyector de diapositives, cañón de lluz, portátil y 20 sielles de pala.

- Área de descansu. El percorríu poles esposiciones del Muséu bien merez un descansu. Pa ello, el visitante dispón d´una sala na que va poder tomase un respiru lleendo dalgunes de les nuestres publicaciones o consultando información turística de la zona.

Sala de Talleres. Los neños/es y la xente mozo son bien especiales nel Muséu del Xurásicu d´Asturies, y pa ellos tamos de contino diseñando actividaes y xuegos, porque creemos qu´un Muséu ye tamién un llugar pa la diversión. Colos nuestros talleres didácticos, dirixidos a neños/es y xente mozo d´infantil, primaria, secundaria y bachiller acompañaos de los sos profesores o families, damos un enfoque distintu al MUJA y a la interpretación de la Paleontoloxía.

- La Tienda del Muja. Tres de la visita al Muséu, la Tienda del MUJA conviértese en parada obligatoria. Vas poder atopar una gran variedá de productos cola nuestra marca, como son camisetes, pósters, postales, oxetos d´artesanía o material escolar. La tienda cunta tamién con xuegos didácticos, xoyería, répliques de dinosaurios y una amplia sección de llibrería especializada en dinosaurios, xeoloxía y temes asturianos. 

 

* Esiste la posibilidá d´arriendu d´esti espaciu pa celebración o organización d´eventos de diversa índole. Consultar tarifes y disponibilidá.

Suscríbete a nuestra newsletter
Pasaporte Cultural Club Cultura Asturias
Asturias